Zumardi Txikia

Oria ertzeko txoko berezi hau Foodtruck gune handi bihurtuko da ostiral iluntzetik igande arratsaldera, mokaduak eskainiko dituzten bost posturekin:

• EKOTALO: Talo gorria, talo beltza, talo horia
• BARRIOLA: saltxitxak, gilda, pulled pork takoa
• GOYA: Premium hanburgesak
• AMA: Kroketak, patatak, oilasko mokauak, karrillera briotxa, albondiga bokata, gazta tarta
• BASQUETRUCK: Angus hanburgesak, begetala, sekretoa

Jai giroa ostiral arratsaldean hasiko da, 18:00etan eta gauerdira arte izango da zabalik. Larunbatean ia egun osoz izango da festa: eguerditik 00:00ak arte eskainiko baitituzte pintxo eta edariak. Igandean, berriz, ordu berean hasi eta 16:00etan emango zaio itxiera.

Festa alaitzeko zuzeneko musikaz gozatzeko aukera izango da, gainera, egunero-egunero:

• Ostirala. Mambo Fango vs. Global Funk DJak (19:00)
• Larunbata. Deñe (12:00), Filipe Bittencourt (15:00), Mugan (20:00) eta Moonshine Wagon (22:00).
• Igandea. DJ Makala (12:00).

Trianguloa

Zumardi Txikikoa eskaintzaz gain, Trianguloak ere zuzeneko erakustaldiak hartuko ditu larunbat goizean, 11:00etatik aurrera: bertako eta nazioarteko parrilleroek haragia erretzeko beren teknikak erakutsiko dizkigute, eta ondoren, erreki horiek dastatzeko aukera eskainiko dute. Hauek dira bertaratuko diren sukaldariak eta eskainiko dituzten jakiak:

• Florencia Abella (Eksdet, Estocolmo): behi zaharraren haragia, ikatz- eta belar-txingarrekin su motelean errea, flambadou teknika erabiliz
• Pablo Rivero (Parrilla Don Julio, Buenos Aires): arkumeak erretegi erara chimichurriarekin, pago eta arte egurrarekin egindako txingarretan 6 orduz errez.
• Txomin Parrilla (Euskadi): Smoker teknikarekin eta egunerako sortutako sagardo botila itxurako parrillan, txahal-saiheskia erreko du 8-10 orduz, baita txerri-burua ere.

Txingarren eta haragiaren usaina dagoeneko somatzen hasiak gara Tolosan. Eta, hau irakurrita, ez esan dastatzeko gogoa piztu ez zaizunik! On egin!