Errezeta: Babarrun zuriak barazkiekin

Osagaiak

400 g. babarrun zuri
Piper gorri 1
Piper berde 1
2 baratxuri ale
Tipula 1/2
Porru 1/2
Gatza eta piperbeltza
Oliba-olioa

Jarraibideak

1. Aurreko gauean babarrun zuriak beratzen jarri, urez betetako lapiko batean, ondo estalita. Hurrengo egunean, babarrunak askoz bigunagoak egongo dira horrela.
2. Goizean, lapiko batean sartu eta ur kopuru bera gehitu. Ur-kantitatea moldagarria da, lortu nahi den saltsa kopuruaren arabera. Gero eta ur kantitate altuagoa, orduan eta urtsuagoa eta ugariagoa izango da saltsa.
3. Ondoren, piperrak, baratxuri aleak, tipula eta porrua txikitu eta gehitu lapikora. Edalontzi erdi bat oliba-olio, gatza eta piperbeltza ere bai.
4. Nahasketa guztia egosten utzi, estalita eta su ertainean. Denbora zehatza aldatu egingo da erabilitako babarrun barietatearen arabera, baina ia ordubete inguruz utzi beharko da. Onena probatzen joatea da eta, beharrez gero, gatza eta piperbeltza zuzentzen joatea.
5. Gustuko zaporea aurkitzean, sutik kendu eta zerbitzatu.