Kukulua Zerkausiko eta Berdura Plazako postu askotan aurkitu ohi dugun barazkia da. Ia urte osoan, gainera. Izan ere, bere denboraldia udazkenetik udaberrira luzatzen da.
Bere hosto luze eta lodiak landarearen bihotzaren inguruan biltzen dira, pieza trinkoak osatuz. Ezaugarri horiei esker, mokadu bakoitza freskotasunaren sinonimoa da.
Oso kaloria gutxi ematen ditu, baina bitamina, mineral eta zuntzean aberatsa da; are gehiago gordinik jaten bada. Izan ere, kukuluak jateko modurik ohikoena da –orain arte gehien ezagutzen genuena, behinik behin–, baratxuriarekin, antxoekin, izokinarekin, gazta urdinarekin edo ozpin-olioarekin lagunduta.
Gaur aurkezten dizuegun alternatibak eskema guztiak hausten ditu. Baina kukuluaren zapore ona galdu gabe, mahaikide guztien gozagarri izango den errezeta da:
Osagaiak
Kukulu bat pertsonako
Pistatxo eskukada bat (beste edozein fruitu lehor ere erabil dezakezu)
100 ml. esnegain
70 ml. esne
100 gr. gazta urdin
Gatza
Oliba olioa
Urratsak
