Errezeta: Tolosako babarruna

Osagaiak

500 gr. Tolosako babarrun
Aza erdi bat
(kilo bat gutxi gorabehera)
Odolkia
800 gr. txerri saiheski
Ibarrako piparrak
(ozpinetan, poto bat)
Baratxuria
Olioa
Gatza

Urratsak

1. *Tolosako babarruna urtekoa bada, ez da beharrezkoa beratzen jartzea.
2. Babarrunak lapiko batean jarri eta ura eta
   olioa gehitu. Urari dagokionez, egokiena
   babarrunen gainetik 4 hatz ingururaino
   estaltzea da, ur gehiago gehitu behar ez
   izateko.
3. Su bizian jarri, eta irakiten hastean, sua
   jaitsi eta 3 orduz utzi su motelean. Ez mugitu
   babarrunak koilararekin, lapikoa leun astinduz
   egin, puskatu ez daitezen.
4. Gatza amaieran gehitu, zerbitzatu baino
   pixka bat lehenago.

Sakramentuak banan-banan sukaldatu, bakoitzak bere zaporea manten dezan.

Aza: kanpoaldeko hostoak kendu eta geratzen dena fin-fin moztu ondoren, irakin pare
bat minutuz, eta prest dagoenean ura kendu. Ondoren, zartagin batean baratxuria
sueztitu olioarekin, gehitu aza eta guztia batera erregosi.
Odolkia: Ura berotu, irakitera eraman gabe. Bero dagoenean, odolkiak sartu eta ordu
erdiz egin, su motelean, odolkiak lehertu ez daitezen. Ordu erdia pasatakoan, uretatik
atera eta pare bat minutuz hozten utzi moztu aurretik, ebakitzean osorik geratzea lor
dezagun.
Txerri-saiheskia: Txerri-saiheskia zati txikitan zatitu, hezurren artetik. Ura irakiten jarri eta
gatzatzean, saiheskia ordu erdiz egosi su altuan.
Ibarrako piparrak: Dagoeneko ontziratuta dauden piparrak erostea da aukerarik
azkarrena. Lau pertsonarentzako nahikoa da ozpinetan ontziratutako pipar poto bat
erabiltzea.

Ver esta publicación en Instagram

Una publicación compartida de Tolosako Azoka (@tolosako.azoka)