“Haragi ezberdinen zatikatze eta kozinatzea” ikastaro praktikoa izango da ostiralean, maiatzaren 3an, Tolosako Zerkausian. 

Bertan, Miguel Cruz-ek (Cárnicas Alejandro Goyako arduraduna) hainbat animalia ezberdinen haragi piezak nola zatikatu azalduko du, eta bitartean, zuzeneko showcooking formatuan arituko dira Javi Rivero eta Gorka Rico (AMA), Xabi Gorrotxategi (Casa Julian), Felix Belaunzaran (Iriarte Jatetxea) eta Joxe Mari Barriola (Barriola Harategia).

Batik bat, arkumea, behia, txerrikumea eta oilaskoaren inguruko azalpenak jasoko dira ikastaroan. Baina horren ohikoak ez diren piezak aprobetxatzen ikastea da ikastaroaren helburu nagusia.