Azokako lehen eguna, maiatzaren 2a, bertako haragiaren sektoreko profesionalak elkartu eta zalantzak argitu, eztabaidatu nahiz elkarren esperientziak elkartrukatuz ikasteko erabiliko da. 

Horretarako, Tolosako Kultur Etxean bi hitzordu nagusituko dira. 

• Batetik, 18:30etan Kalaska Kooperatiba ezagutzeko aurkezpen-hitzaldia. Tokiko abeltzaintzari eta merkataritzari lehentasuna ematen dio proiektuak, eta Nerea Viana (Sakanako Garapen Agentziako Elikadura Teknikaria) honen teknika, tendentzia eta nondik-norakoak partzekatzeaz arduratuko da.

• Bestetik, 19:00etan “Haragiaren lurraldea: aukera eta erronkak” mahaingurua.  Nerea Vianak, sektoreko beste hiru emakumerekin batera Josebe Blanco (‘Hausnarrean’ liburuaren idazlea eta artzaina), Izaro Zubiria (albaitaria eta Lizartzako Ueta baserriko abeltzaina) eta Helena Muñagorri (Muñagorri Harategiko harakina) haragiaren egoera eta etorkizunaren inguruan hitz egingo dute.